Москвага кучли довул ва торнадо ёпирилди

Москвага кучли довул ва торнадо ёпирилди

Гидрометеорология маркази Россиянинг Москва шаҳрида момақалдироқ, кучли ёмғир ва секундига 23 метргача бўлган шамол туфайли об-ҳаво хавфлилигининг “тўқ сариқ” даражасини эълон қилди.

Шунингдек, шаҳар марказида металл конструкция қулаши оқибатида яна бир киши ҳалок бўлган. Ноқулай об-ҳаво туфайли камида ўн нафар жароҳатланганлар ҳақида хабар берилган.

Аввалроқ Гидрометеорология маркази Москвадаги кучли довул туфайли торнадо хавфи ҳақида огоҳлантирган эди.

“Тўқ сариқ” даражадаги об-ҳаво хавфи. Табиий офатлар ва зарарлар эҳтимоли бор, — дейилади хабарда.

Шамолнинг секундига 23 метргача кучайиши, момақалдироқ ва кучли ёмғир ҳақида огоҳлантириш соат 22:00 гача кучда бўлади.

Маҳаллий ОАВнинг хабар беришича, 20 июнь куни Москвада содир бўлган довул оқибатида 2 киши ҳалок бўлган. Манбаларга кўра, бўронли шамол Тимирязевский боғи яқинида яшовчининг дарахтини қулатган. 79 ёшли маҳаллий аҳоли олган тан жароҳатлари туфайли воқеа жойида вафот этган.

Торнадо Москванинг турар жойлари, шунингдек, Москва вилоятининг Истринский тумани ва Лосино-Петровский туманларида кузатилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!