Москва сафарбар қилинганлар, ярадорлар ва ҳалок бўлганларнинг оилаларига қўшимча пул тўлайди

Москва мэри Сергей Собянин сафарбар қилинганларнинг оилаларига Москва бюджетидан пул тўланиши ҳақида қарор имзолади. Қарорга кўра, Москваликлар Украинадаги урушда енгил жароҳат олган тақдирда 500 минг рубл, оғир жароҳат олган тақдирда эса 1 миллион рубл миқдорида бир марталик тўлов олади.

Шунингдек, ҳар ой сафарбар қилинганлар Москва бюджетидан 50 минг рубл миқдорида қўшимча тўлов оладилар. Аскар ҳалок бўлган тақдирда, агар у жароҳат ёки касаллик натижасида вафот этган бўлса, унинг оиласига уч миллион рубл берилади.