Монополияга қарши курашиш қўмитаси Россиянинг Монополияга қарши курашиш федерал хизмати билан Меморандум имзолади
Ўзбекистон Республикаси Монополияга қарши курашиш қўмитаси билан Монополияга қарши курашиш федерал хизмати (Россия Федерацияси) ўртасида рақобат сиёсати соҳасида ўзаро англашув ҳамда ҳамкорлик тўғрисида Меморандум имзоланди.
Томонлар ўртасидаги ҳамкорликни янада ривожлантириш учун қулай шароитлар яратишга интилиб,
тенглик ва ўзаро манфаат принципларига асосланиб, Томонлар давлатларининг самарали иқтисодий ривожланишига кўмаклашишда рақобат сиёсатининг ҳал қилувчи ролини таъкидлаб,
қуйидагилар тўғрисида ўзаро англашувга эришдилар:
1. Томонлар ўз давлатлари қонунчилигига мувофиқ қуйидаги йўналишлар бўйича ҳамкорликни амалга ошириш ниятидалар:
— монополияга қарши қонун ҳужжатларини бузилишларига самарали чек қўйиш соҳасида тажриба алмашиш;
— товар бозорларининг ҳолати тўғрисидаги махфий бўлмаган маълумотларни, шу жумладан Томонлардан бирининг сўровига биноан қонунчилик ва рақобат сиёсати соҳасидаги ҳуқуқни қўллаш амалиёти тўғрисидаги маълумотларни алмашиш;
— рақобатни чеклаш ва таъсир чораларини қўллаш ҳолатларини аниқлаш тезкорлигини ошириш мақсадида Томонлар фаолиятида инновацион ишланмалар ва ахборот технологияларни татбиқ этиш масалалари бўйича тажриба алмашиш;
— махфий бўлмаган маълумотларни тақдим этиш ва услубий ёрдам кўрсатиш, рақобат соҳасидаги норматив-ҳуқуқий ҳужжатларни ишлаб чиқишда таклифлар ва хулосалар тайёрлаш;
— Томонлар ходимларининг малакасини ошириш тажрибаси ва усуллари билан алмашиш;
— рақобатни ҳуқуқий таъминлаш ва ҳимоя қилиш соҳасида тажриба алмашиш;
— монополияга қарши қонунчилик ва рақобат сиёсати соҳасидаги кўп томонлама халқаро ҳамкорлик масалалари бўйича фикр алмашиш.
2.Томонлар икки томонлама учрашувлар, конференциялар ва малака ошириш тадбирларини ташкил этиш ва ўтказиш орқали турли даражадаги ҳамкорликни ривожлантириш
3. Ушбу Меморандумга биноан Томонлар ўртасидаги ҳамкорлик ҳар бир Томоннинг давлат қонунчилигига мувофиқ амалга оширилади.
4. Ушбу Меморандумни қўллаш бошланган кундан 2017 йил 27 апрелда Ўзбекистон Республикаси хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Монополияга қарши курашиш федерал хизмати (Россия Федерацияси) ўртасида имзоланган рақобат сиёсати соҳасида ўзаро англашув ва ҳамкорлик тўғрисидаги Меморандум қўлланилиши тугатилди.
