«Meta» компаниясининг вакили Жорж Чен Ўзбекистон пойтахти Тошкентда қад ростлаган замонавий IT Park мажмуаси ҳақида гапирди
«Meta» компаниясининг Хитой, Мўғулистон ва Марказий Осиё давлатларидаги вакили Жорж Чен Ўзбекистон пойтахти Тошкентда қад ростлаган замонавий IT Park мажмуаси ҳақида фикр билдирди.
Унинг ёзишича, Ўзбекистон — бир неча йил ичида Тошкентда яхлит IT-хабга эга бўлиш ғоясини тез амалга оширгани ҳайратда қолдирди.
«Ҳукуматнинг технология ва инновацияларни қўллаб-қувватлаш ва маҳаллий стартапларни ривожлантиришга интилиши дадил ва жиддийдир. Ўзбекистон IT Park`ининг расмий шиори менга жуда ёқади — «Маҳаллий бошла, дунё бўйлаб ривожлан». Шунингдек, Ўзбекистон IT Park стартаплари учун бир нечта Meta Quest 2 VR гарнитураларини сотиб олганини кўриб, хурсанд бўлдим. Улар кенг ва хилма-хил Марказий Осиё минтақасида ҳам долзарб мавзу бўлган метаверсени ривожлантириш пойгасида четда қолишни истамайдилар», — деб ёзади «Meta» компаниясининг Хитой, Мўғулистон ва Марказий Осиё давлатларидаги вакили.
