Месси ЖЧ-2022'да фойдаланган либосларини жуда катта пулга сотади

Аргентина терма жамоаси ҳужумчиси Лионель Мессининг Қатарда бўлиб ўтган 2022 йилги жаҳон чемпионатида кийган футболкалар коллекцияси Sotheby's аукционида сотилмоқда.

Тўпламдан олтита футболка, жумладан, аргентиналик футболчининг Францияга қарши финалда (3:3, пенальтилар – 4:2) майдонда кийган футболкалари бор. Ҳозирча футболкалар учун 5,2 миллион доллар таклиф қилишган.

Лионель Месси Аргентина терма жамоаси билан 2022 йилги жаҳон чемпионатида ғолиб чиқди ва фаолиятида илк бор жаҳон чемпиони бўлди. 36 ёшли футболчи саккиз карра “Олтин тўп” совринининг рекордчиси ҳисобланади.