Макрон иммиграция бўйича референдумни рад этди
Франция президенти Эммануэль Макрон ҳозирда иммиграция бўйича референдумлар ўтказиш ҳақида ўйламаяпти ва сиёсий етакчилар ўртасида уларнинг ташкил этилиши билан боғлиқ масалаларда келишув мавжуд эмас.
France Info радиостанциясининг хабар беришича, бу ҳақда Париж чеккасидаги Сен-Денида давлат раҳбари билан учрашувда иштирок этган партия етакчилари маълум қилган.
Европа - Экология - Яшиллар чап қанот партияси миллий котиби Марин Тонделиерга кўра, иммиграция бўйича референдум бўлмайди.
“Муҳожирлик каби ижтимоий масалалар бўйича референдумлар ўтказиш имкониятини кенгайтириш қийин кўринади, деган фикрга келишди”, деди Франция Коммунистик партияси раҳбари Фабиен Руссел.
“Миллий ралли” партияси етакчиси Жордан Барделла ҳам президент ҳозирда референдум ўтказиш имкониятини кўриб чиқмаётганини таъкидлади.
Радиостанция таъкидлаганидек, у ушбу мавзу бўйича маслаҳатлашувлар ўтказиш тарафдори бўлган ягона иштирокчи эди.
