КХШТ тинчликпарвар операцияларнинг янги ҳуқуқий механизмини ишлаб чиқмоқда

Бугун Россия ташқи ишлар вазири Сергей Лавров «Россия сегодня» агентлигига берган интервьюсида БМТдан КХШТга аъзо давлатда тинчликпарвар операция ўтказиш учун рухсат сўраш «ортиқча талаб» эканини айтди.

КХШТ давлатлари бундай қарорларни БМТ Хавфсизлик Кенгашидан мустақил равишда қабул қилиши мумкин эди.

Энди КХШТ ва БМТ Хавфсизлик Кенгаши ўртасидаги ўзаро ҳамкорлик тартиби қуйидагича:

▪️КХШТга аъзо давлат ҳудудида тинчликпарвар операция ўтказиш тўғрисидаги қарор давлатнинг ўзи буни талаб қилганда қабул қилинади. Бу ҳақда БМТ Хавфсизлик Кенгаши маълум қилди.

▪️КХШТ кучларининг ташкилотга кирмаган давлатда тинчликпарварлик амалиёти БМТ Хавфсизлик Кенгаши рухсати билан амалга оширилади.