Кулги чойхонаси...

* * *

Қассобнинг энг садоқатли мижозларидан бири ундан сўради:

— Қассоб ака, неварали бўлибсиз, табриклайман!

— Раҳмат!

— Бола неча кило туғилди?

— Суяги билан ҳисоблаганда, 4, 5 кило.

* * *

Эр хотинига деди:

— Мен костюмимни дазмоллаб қўй дегандим. Нега дазмолламадинг?

— Дазмоллаганман.

— Алдама, чўнтагимда юз доллар бориди, ҳалиям турибди.

* * *

Судья:

— Судланувчи, биринчи хотинингиз нимадан ўлган?

— Қўзиқориндан.

— Иккинчи хотинингиз-чи?

— Уям қўзиқориндан ўлган.

— Учинчиси-чи?

— Мия чайқалишига учраган.

— Сабаб?

— Қўзиқорин ейишни хоҳламаганди.

* * *

Болакай отасидан сўради:

— Нега хўрозлар жуда эрта қичқиришади?

— Чунки товуқлар уйғонгач, уларнинг овозини эшитиб бўлмай қолади.

* * *

— Дадаси, нега бугун кечаси мени ҳадеб «Надяхон» деб чақиравердингиз? Ким у Надяхон?

— Ишонасанми, шу кечаси тушимда мен Ленинга айланиб қолганмишман!

* * *

Қизалоқ мактабдан келди. Онаси сўради:

— Хўш, бугун мактабда нимани ўргандинглар?

— Биз бугун «Қизил Шапкача»эртагини ўқидик.

— Бу эртак нимани ўргатаркан?

— Бувиларимизнинг ташқи кўриниши қандай бўлганини ўргатаркан.

* * *

Музейда.

— Ҳой, оғайни, бу ерга нега ўтириб олдингиз? Ахир, бу ҳайкал Александр I ники-ку!

— Намунча бақирасан? Ўша Александринг келса, бўшатиб бераман ҳайкалини.

* * *

Чоли оламдан ўтгач, бир ойдан сўнг кампирнинг уйига радио ўрнатиб беришди. Эрта тонгда радиодан ёқимли товуш эшитилди:

— Хайрли тонг!

Кампир (атрофга аланглаб):

— Вой, ким у?.. Хайрли тонг!.. Ҳали тонг ёришмасдан келибсиз? Тинчликми? Қаердасиз ўзи?

* * *

Лейтенант аскардан сўради:

— Тасаввур қил, уруш кетяпти. Бизнинг темир йўлларимиз душман қўлига ўтиб қолмаслиги учун қандай йўл тутган бўлардинг?

— Чипталарнинг ҳаммасини ёқиб юборардим.

* * *

Эр Африка сафаридан қўлида янги туғилган қора танли чақалоқ билан қайтди. Хотини уни кўриб, бақирди:

— Бу нимаси?! Шундоғам уч болани боқолмай, қийналяпмиз! Буни қандай боқамиз?

— Хавотир олма, амаллаймиз! Бу бола катта бўлса, фарзандларимизни инглизча гапиришга ўргатади.