Каталония ҳукумати раҳбари Испания ҳукуматига референдум ўтказиш бўйича келишув таклиф қилмоқчи

Каталония ҳукумати раҳбари Пере Арагонес Испания ҳукуматига минтақанинг ўз тақдирини ўзи белгилаш бўйича референдум ўтказиш бўйича келишувни таклиф қилмоқчи.

“Мен давлатга “аниқ келишув” таклиф қилмоқчиман, бунда Каталония қачон ва қандай қилиб келажагини белгилаш ҳуқуқидан яна бир бор фойдаланиши мумкин”, — дея унинг сўзларини келтиради ТАСС.

Арагонес “бу ишни Каталония жамиятининг максимал қўллаб-қувватлаши билан амалга ошириш” ниятида.

Июль ойида Каталония ҳукумати раҳбари расмийлар билан мулоқотни давом эттириш учун “сиёсий ва демократик ечимлар”ни излаш ниятида эканини қайд этган эди.