Касб-ҳунар мактабларига ҳужжатлар қабул муддати узайтирилди

Касб-ҳунар мактабларига ҳужжатлар қабул муддати узайтирилди

Касб-ҳунар мактабларида ўқиш тўлиқ давлат бюджети ҳисобидан амалга оширилади. Ҳужжатлар kasb.edu.uz платформаси орқали қабул қилинади.

Касб-ҳунар мактабларига ҳужжатлар қабул муддати узайтирилди. Бу ҳақида Олий ва ўрта махсус таълим вазирлиги хабар берди.

Айтилишича, ҳужжатларни қабул қилиш муддати 15 августга қадар узайтирилди.

“Битирувчи ёшларнинг касб-ҳунар эгаллашга бўлган қизиқишини инобатга олиб, уларга бу борада керакли шарт-шароит яратиш мақсадида қабул муддати узайтирилди”, дейилади хабарда.

Ҳужжатлар kasb.edu.uz электрон платформаси орқали қабул қилинади.

Платформага киритиладиган ҳужжатлар:

туғилганлик ҳақидаги гувоҳнома ёки ID карта маълумотлари;

3х4 ҳажмидаги фотосурат.

Маълумот учун, 2022/2023-ўқув йили учун 330 та касб-ҳунар мактабига жами 78 минг 490 та қабул параметрлари тасдиқланган.

Шундан, 75 470 та ўзбек, 930 та рус ва 2090 та қорақалпоқ тили гуруҳлари учун белгиланди.

Касб-ҳунар мактабларида ўқиш тўлиқ давлат бюджети ҳисобидан амалга оширилади.

Эслатиб ўтамиз, касб-ҳунар мактабларига ҳужжатлар қабули 1 июлдан бошланган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!