Жазоир Ҳурмуз бўғози масаласида воситачилик қилишга тайёр
Жазоир президенти Абдулмажид Теббун Ҳурмуз бўғози атрофидаги вазиятни ҳал этиш бўйича воситачилик қилишга тайёрлигини билдирди.
Теббуннинг таъкидлашича, Жазоир Ҳурмуз бўғозидаги инқирозда ҳеч бир томон билан қарама-қарши позицияда эмас ва мамлакат кемалари ушбу йўналиш орқали муаммосиз ҳаракатланмоқда.
«Жазоир Ҳурмуз бўғози масаласида ҳар қандай воситачиликка тайёр», — деди президент.
Теббун, шунингдек, Бирлашган Араб Амирликларини Африка давлатларининг ички ишларига аралашиш ва қуролли гуруҳларни қўллаб-қувватлашда айблади.
Жазоир президенти мамлакат Ҳурмуз бўғози атрофидаги можарога аралашмаётганини ва тинчликпарвар позицияни эгаллаётганини таъкидлади.