Жазирамада қандай ичимликни ичиш керак?
Сувсизланиш ва муҳим минераллар йўқолишининг олдини олиш учун шифокорлар сув билан олма шарбатини тенг миқдорда аралаштириб ичишни маслаҳат беришади.
Жазирама ёзда кўп терлаш оқибатида келиб чиққан сувсизланиш организмда сув-туз мувозанатини издан чиқариши мумкин. Бу эса артериал гипертония ва алмашинув жараёнлари бузилишига олиб келиши ҳеч гап эмас.
Оддий тоза сув чанқоқни қондиришга ёрдам беради.
Олма шарбати аралаштирилганда эса янада яхшироқ самара беради. Негаки йўқотилган туз ўрнини тўлдиради.
Тадқиқотларга кўра, ушбу саломатлик эликсири шифокорлар ичак инфекцияларида тайинлайдиган регидратация учун махсус электролит эритмага (йўқолган электролитлар ўрнини қоплаш учун) қараганда 17% самаралироқ бўлиб чиқди. Олма шарбатида калий бисёр (кунлик меъёрнинг тахминан 20%и) бўлиб, у организмда сув-туз мувозанатига жавоб беради.
Лекин шарбатда қанд жуда кўп бўлгани учун унга сув аралаштириш лозим. Камида ярмини сув ташкил қилиши керак.
Яхшиси, нордон шарбат ичган маъқул – апельсин, грейпфрут ёки резаворли морслар. Улардаги органик кислоталар организмда кислота мувозанатини сақлашга ёрдам беради.
