Германияда Иккинчи жаҳон урушидан қолган 20 тонналик бомба топилгани сабабли 7 мингга яқин одам уйларини тарк этди

Германиянинг Кёльн шаҳрида 2-жаҳон урушидан қолган портламаган снаряд топилгани сабабли 7 мингга яқин одам уйларини тарк этишга мажбур бўлди. Бу ҳақда "ТАСС" ёзмоқда.

Порц-Вестховен ҳудудида қурилиш ишлари олиб борилаётганда Америкада ишлаб чиқарилган 20 тонна сиғимли бомба топилгани ҳақида Bild газетаси хабар бермоқда. 1 км радиусдаги барча аҳолига уйларини тарк этиш тавсия қилинди. Ушбу чора 7 мингга яқин аҳолига, шунингдек, поликлиника беморларига, қариялар уйига ва юк станцияси вакилларига таъсир кўрсатди. Снаряд топилган жойда портловчи моддаларни зарарсизлантириш хизмати ходимлари ишламоқда.

Аввалроқ Кёльнда Иккинчи жаҳон урушидан қолган иккита бомба топилгани ва зарарсизлантирилгани хабар қилинганди.