Германия ракетага қарши мудофаа тизимларини мустаҳкамлаш учун 17 миллиард евро ажратади

Германия ракетага қарши мудофаа тизимларини мустаҳкамлаш учун 17 миллиард евро ажратади

"Германия кўп қатламли ракетага қарши мудофаа тизимини яратишда иштирок этадиган бир қатор ҳарбий маҳсулотлар ишлаб чиқарувчи компаниялар билан музокара олиб бормоқда. Мазкур лойиҳа 17 миллиард еврога баҳоланмоқда", – дейилади агентлик тарқатган хабарда.

Бу борада Германиянинг Diehl Defence GmbH компанияси билан нархи 2 миллиарддан 3 миллиард еврогача баҳоланаётган IRIS-T тизимини сотиб олиш бўйича шартнома тузиш кўзда тутилмоқда. Бундан ташқари, харид режасига Исроилнинг Arrow 3 ракетага қарши мудофаа тизими ҳам киритилган, унга 4 миллиард ҳамда Американинг Patriot тизимига 10 миллиард евро ажратилади.

Аввалроқ Reuters агентлиги Германия ракетага қарши IRIS-T тизимидан саккиз дона сотиб олишни режалаштираётгани ҳақида хабар тарқатган эди. Ушбу харид режаси 2023 йилнинг иккинчи чорагида парламентга маъқуллаш учун тақдим этилади, дейилади хабарда.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!