Францияда афсонавий қўшиқчи вафот этди

Францияда шансон афсонаси, қўшиқчи ва актриса Жюльетт Греко 23 сентябрь чоршанба куни 93 ёшида вафот этди.

Иккинчи Жаҳон уруши пайтида қаршилик кўрсатиш ҳаракатининг фаол иштирокчиси бўлган Жюльеттнинг қўшиқчи сифатидаги фаолияти урушдан кейинги даврда ривожланган. Унинг биринчи альбоми 1951 йилда чиқарилган ва француз шансонининг классикасига айланган.

Унинг учун қўшиқлар, хусусан, Шарль Азнавур томонидан ёзилган.

1950-йилларнинг ўрталарига келиб Жюльетт Греко биринчи француз поп юлдузига айланган.

Худди шу даврда Греко кино саноатидаги карьерасини бошлаган. У "Орфей", "Қуёш ҳам кўтарилади", "Генераллар кечаси", " Бельфегор - Луврнинг руҳи" ва бошқа фильмларда суратга тушган.