"Фарзандларимнинг тақдирини ўйламай, уларни тирик етим қилиб қўйган эканман"

Ҳар бир даврда оиланинг асосий вазифаси, фарзандларнинг дунёга келиши ва уларнинг тарбияси, ўзлигини англаб етиши ва шаклланиши бўлиб ҳисобланган.

Бироқ айрим оилалардаги келишмовчиликлар сабаб, никоҳни бекор қилиб, фарзандларининг моддий таъминоти учун ота ёки онадан алимент ундириш чораларини кўради.

Айни вақтда Мажбурий ижро бюросининг Сурхондарё вилояти ва унинг ҳудудий бўлимларида алимент ундириш билан боғлиқ 16.000 дан ортиқ ижро ҳужжатлари мавжуд.

Мажбурий ижро бюроси ходимлари нафақат алимент қарздорликларни ундириш билан, шунингдек, ажрашган оиларни яраштиришга кўмаклашишмоқда.

Жорий йилнинг шу даврига қадар алимент билан боғлиқ 1863 та ижро ҳужжати тамомланди шундан 260 дан ортиқ оилалар ўзаро ярашганликлари сабабли ижро ҳаракатлари тўхтатилди.

15-май Халқаро оила куни муносабати билан Термиз шаҳридаги Оила маркази биносида Бюронинг вилоят бошқармаси, Термиз шаҳар бўлими ходимлари ҳамда Оила маркази раҳбарлари иштирокида 4 та оила яраштирилишига эришилди. Оила муқаддаслигини тушуниб етган бу эсдалик совғалари топширилди.

Тадбир қатнашчиларидан бири шундай дейди: Мен оила муқаддас даргоҳ эканлигини тушуниб етдим. 3 та фарзандларимни тақдирини ўйламай, уларни тирик етим қилиб қўйган эканман. Фарзанд учун ота-онанинг меҳри нақадар қадрли эканини кеч бўлсада англадим. Эндиликда бор меҳримни шу азиз фарзандларим ва оилам учун сарфлайман. Албатда оилам мустаҳкам бўлишлиги учун кўмаклашган мутасаддиларга ўз миннатдорчилигимни билдираман .

Бу каби тадбирлар вилоят бўйлаб давом этмоқда.