Фарғонада божхона ходими фожиали тарзда ҳалок бўлди

Кирманг / Биласизми? / Юртимизда
A A A
Фарғонада божхона ходими фожиали тарзда ҳалок бўлди

Фарғонада божхона ходими мотоциклида автоҳалокатга учраб, ҳодиса жойида вафот этди. Бу ҳақда вилоят прокуратураси маълум қилди.

Аниқланишича, автоҳалокат 2023 йил 2 март куни “Фарғона халқа йўли”нинг Марғилон шаҳар ҳудудидан ўтган 226 км.да содир бўлган.

Фарғона вилояти божхона бошқармаси ходими М.М. бошқарувидаги “Yamaha” русумли мотоциклда ушбу йўлда ҳаракатланиб келиб, бошқарувни йўқотиб йўл четидаги бетон тўсиққа урилади. Сўнг мотоцикл ўз йўналишида ҳаракатланиб кетаётган фуқаро А.А. бошқарувидаги “Жентра” русумли автомашинанинг орқа чап томонига урилиб, йўл транспорт ҳодисаси содир этган. Натижада М.М. олган тан жароҳати оқибатида ҳодиса жойида вафот этган.

Мазкур ҳолат юзасидан Марғилон шаҳар прокуратураси томонидан Жиноят кодексининг 266-моддаси 2-қисми билан қўзғатилиб, тергов ҳаракатлари олиб борилмоқда.

Жиноят ишининг дастлабки тергови устидан вилоят прокуратураси томонидан назорат ўрнатилган.

Киритилди: 15:46 25.03.2023. Ўқилди: 5303 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!