Европа комиссияси Россияга қарши тўққизинчи санкциялар пакетини эълон қилди

Европа комиссияси Россияга қарши тўққизинчи санкциялар пакетини эълон қилди

Бу ҳақда бошқарма бошлиғи Урсула фон дер Ляйен маълум қилди.

«Биз Украинани қўллаб-қувватлаймиз ва Россияни унинг шафқатсизлиги учун тўлашга мажбур қиламиз. Мавжуд саккизта санкциялар пакети аллақачон катта зарар келтирмоқда», деб ёзди у твиттерда.

Фон дер Ляйеннинг сўзларига кўра, янги пакет қуйидаги чораларни ўз ичига олади:

📍Россиянинг 200 га яқин фуқаролари ва компаниялари санкциялар рўйхатига киритилади. Булар Россия қуролли кучлари, ҳарбийлар, Давлат Думаси аъзолари ва ҳукумат ходимлари билан боғлиқ компаниялар бўлади.

📍Россиянинг учта банкига, жумладан, Россия минтақавий тараққиёт банкига нисбатан санкциялар қўлланилади.

📍Россиянинг бир неча тоифадаги товарлари, хусусан, икки мақсадли товарлар ва электроника экспортига чекловлар.

📍Россияга учувчисиз учиш аппаратларини ишлаб чиқариш учун эҳтиёт қисмлар экспортини, шунингдек уларни Россияга жўнатиши мумкин бўлган учинчи давлатларга экспорт қилишни чеклаш.

📍Россиянинг тўртта каналини кўрсатишга чекловлар.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!