Европа Иттифоқи Россия нефти ва ахборот технологияларига қарши санкциялар жорий қилиши мумкин
Бир қатор Европа Иттифоқи давлатлари Россия нефти, ахборот технологиялари, киберхавфсизлик ва банк секторига қарши санкциялар жорий этишни талаб қилмоқда. Бу ҳақда Financial Times газетаси хабар бермоқда.
“Мамлакатлар, жумладан, Польша ва Болтиқбўйи давлатлари Россиянинг ҳашаматли товарлари, ахборот технологиялари, киберхавфсизлик ва дастурий таъминотни ишлаб чиқишга қаратилган янги чораларни талаб қилмоқда”, дейилади баёнотда .
Европа Иттифоқи ҳам Россия нефти нархига чекловлар қўйиш масаласини кўриб чиқмоқда.
"Европа Иттифоқи аъзолари Россияга нисбатан қаттиқроқ чоралар кўришни талаб қилмоқдалар, жумладан, кўпроқ банкларни SWIFT тизимидан чиқариб ташлаш ва олмос импортини тақиқлаш", - дейилади матнда.
Мақола муаллифларининг таъкидлашича, барча Европа Иттифоқи давлатларининг янги санкциялар бўйича розилигини олиш осон бўлмайди, чунки Венгрия Россияга қарши ҳар қандай кейинги чекловларга қарши.
