Эркак дўстининг 6 ёшли қизини зўрлаб, каналга чўктириб юборди

Қримда олти ёшли болани ўлдиришда гумон қилинган шахс ушланди.

У марҳума қизнинг отасининг дўсти. Қўлга олинган шахс, шунингдек, педофилияда ҳам гумон қилинмоқда.

Тафсилотларга кўра, 31 май куни тушдан кейин қизнинг отаси дўстлари ва қизлари билан балиқ овига боради, у ерда спиртли ичимлик ичишади. Дастлаб ота қизини қаровсиз қолдиргани, натижада у ғойиб бўлгани айтилганди.

Кейинчалик маълум бўлишича, отаси қизини уйига олиб бориб қўймоқчи бўлган дўстига розилик берган. Тергов маълумотларига кўра, отанинг "дўсти" аввал қизни зўрлаган, кейин уни сувга итариб юборган. Жасад Шимолий Қрим каналидан топилган.

Ота вояга етмаган фарзандини хавф остига қўйганликда айбланмоқда, гумондорга эса қотиллик ва жинсий зўравонлик бўйича жиноий ишлар очилган.