Эрдўғон сўнгги дақиқаларда фикридан қайтган

Туркия президенти Ражаб Тоййиб Эрдўғон Европа саммити учун Молдовага бормайди.

Саммитга тайёргарлик билан шуғулланган уч нафар аноним шахсга кўра, Эрдўғон сўнгги дақиқаларда ўз фикридан қайтган.

Европа сиёсий ҳамжамияти Европа келажаги ҳақидаги сиёсий ва стратегик мунозаралар учун ташкил этилган халқаро ташкилотдир. Саммитнинг асосий вазифаси Европа Иттифоқидан ташқаридаги Европа етакчиларини бирлаштиришдан иборат.

Бу сафарги саммитда 40 дан ортиқ Европа етакчилари, жумладан, Европа Иттифоқининг барча 27 давлати вакиллари иштирок этади. Бугун бўлиб ўтадиган лидерлар учрашуви ўтган йилнинг октябр ойида Прагада бўлиб ўтган инаугурацион учрашувдан кейинги иккинчи учрашув бўлади.