Эрдўғон Берлинга борди, аммо...

Туркия президенти Ражаб Тоййиб Эрдўғон Берлинга ташриф билан келди, бироқ Германия расмийлари бу сафарга имкон қадар эътибор жалб қилмаслик ниятида: оммавий чиқишлар ёки қўшма матбуот анжуманлари ўтказилмайди.

Германия канслери Олаф Шолц Эрдўғон Туркия президенти этиб қайта сайланганидан кейин шу йилнинг май ойида уни Берлинга ташриф буюришга таклиф қилган.

Германияда ким ҳокимият тепасида бўлишидан қатъи назар, икки давлат ўртасидаги муносабатлар узоқ йиллар давомида бир хил даражада оғирлигича қолмоқда. Немис сиёсатчилари бир неча бор Эрдўғонни қийин шерик деб аташган.

ҲАМАС ва Исроил ўртасидаги уруш Берлин ва Анқара ўртасидаги сўнгги ихтилофни келтириб чиқарган кўринади ва уларни можаронинг қарама-қарши томонларида ажратиб туради.