Эрдўғон АҚШга ташрифининг бекор қилинишини тушунтирди
Туркия президенти Ражаб Тоййиб Эрдўғоннинг 9 майга мўлжалланган АҚШга ташрифи Туркия раҳбари ва АҚШ президенти Жо Байден ўртасидаги зиддиятли жадваллар туфайли қолдирилди. Эрдўғон бу ҳақда "Катимерини" газетасига берган интервьюсида, Греция Бош вазири Кириакос Мицотакиснинг 13 май куни Анқарага ташрифи олдидан ёзма равишда саволларига жавоб берар экан тўхталиб ўтди.
“Бизнинг АҚШга ташрифимиз икки томоннинг бир-бирига мос келмайдиган жадвали туфайли қолдирилди. Маълумки, яқинда Қўшма Штатларда сайловлар бўлиб ўтади ва жаноб Байденнинг жадвали янада гавжум бўлди. Бизнинг дастурларимиз ички ва халқаро миқёсда жадал давом этмоқда. Бундай ташрифлар ҳар икки томон учун қулай вақтда амалга оширилади. Дўстларимиз ўз суҳбатдошлари билан учрашувлар ўтказмоқда, тегишли санани белгилаш бўйича ҳаракатлар давом этмоқда”, — деди Туркия президенти.
