Ердаги иккинчи энг узун одам Парижда полда ухлашга мажбур бўлмоқда

Эронлик спортчи Мортеза Меҳрзодселакжоний уч карра Паралимпия чемпиони бўлиши мумкин. Унинг бўйи салкам 2,5 метр.

Спортчи бундай бўйи билан Париждаги Паралимпия давомида полда ухлашга мажбур бўляпти.

Мортеза ўтириб ўйналадиган воллейбол бўйича Эрон МТЖнинг энг яхши ўйинчиларидан. Бош мураббий Ҳади Резайгарконий ОАВга айтишича, спортчига Токиодаги ўйинларда бўлганидек махсус ётоқ берилмаган ва Мортеза ерда ухлаб қолишга мажбур бўляпти.

“Унинг махсус кровати йўқ, лекин ҳаётда энг муҳим мақсади бор, — дейди мураббий. Унга ерда ухлаётгани ёки тўйиб овқатланмаётгани муҳим эмас. Унинг учун асосийси — чемпионлик”.

Эрон 1988 йилдан бери ўтириб ўйналадиган волейбол бўйича 9 та Олимпия ўйинларидан 7 тасида ғолиб чиққан. Париждаги олтин медаль 2016 йилдаги Паралимпияга 1-марта қатнашган Меҳрзодселакжоний учун учинчиси бўлиши мумкин.

Спортчига болалигида акромегалия ташхиси қўйилган. Бу касаллик ўнг оёқ чапидан 15 см калта бўлишига олиб келадиган кам учрайдиган гормонал касаллик саналади.

Меҳрзодселакжоний Паралимпия ўйинлари тарихидаги энг баланд бўйли спортчи — ҳатто ўтирганда ҳам унинг бўйи 1,8 метрдан баланд. Уятчан спортчи баъзан ногиронлар аравачасидан фойдаланади ва ташқарига чиқишдан уялиб, 5 йилни уйида ёлғиз ўтказган.