Энди "Telegram"да Payme вa CLICK ёрдамида карта орқали тўлов қилиш имконияти пайдо бўлди

Энди "Telegram"да Payme вa CLICK ёрдамида карта орқали тўлов қилиш имконияти пайдо бўлди

Telegram мессенжери навбатдаги янгиланиш ҳақида маълум қилди. Бу янгиланишда исталган чатда тўлаш учун тўловлар, овозли чатлар учун режалаштириш ва мини профиллар, браузерлар учун Telegramнинг янги версиялари ва бошқалар тақдим этилмоқда.

Хабар қилинишича, ушбу янгиланиш Payme вa CLICK каби 8та тўлов тизими ёрдамида исталган чатда карта орқали тўловларни қабул қилиш имконини беради.

“Бундан ташқари, тўлов пайтида чойчақа қўшиш ва севимли муаллиф, қаҳвахона ёки дўконни қўллаб-қувватлаш мумкин. Тўлов учун исталган иловадан, жумладан, компьютер учун Telegram’дан фойдаланиш мумкин”, дейилади хабарда.

Тўловлар платформаси очиқ ва бепул – Telegram комиссия олмайди ва тўлов маълумотларини сақламайди. Реквизитлар бевосита тўлов тизимига, етказиб бериш ахбороти эса маҳсулотни юбориши учун сотувчига юборилади.

Навбатдаги янгиланишга кўра, энди гуруҳ ва каналлар администраторлари барча хоҳловчилар режаларини тузиши, танишларига ҳодиса ҳақида айтиши ҳамда муайян сана ва вақтга келгуси овозли чатни режалаштириши мумкин.

Шунингдек, янги, тўлиқ функцияли Telegram веб иловалари тақдим этилди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!