Дунёнинг йирик қурол ишлаб чиқарувчиси Украина учун ишламоқчи
Rheinmetall Чехия-Украина қуролли келишув учун танклар етказиб беради.
Немис қурол ишлаб чиқарувчиси Rheinmetall Прага Украина кучларига асбоб-ускуналар етказиб беришни кўзда тутувчи шартнома доирасида Чехияни янги танклар билан таъминлашини эълон қилди.
Чехия армияси немис компаниясидан 14 та Леопард 2А4 асосий жанговар танклари ва битта зирҳли қутқарув машинасини олади. Ўз навбатида, у Россия босқинидан мудофаасини қўллаб-қувватлаш учун Украинага ҳарбий техника юборади.
Rheinmetall биринчи танк Чехияга 2024 йилнинг охирида, қолган қисми эса 2025 йилнинг апрелида келишини айтди.
Июль ойи охирида Германия ва Чехия вакиллари томонидан имзоланган шартнома юзлаб миллион еврони ташкил этди.
Rheinmetall 2022 йил октабр ойида Чехия билан худди шундай шартномада иштирок этган.
Шарқий блокнинг турли собиқ аъзолари, ҳозирда НАТО таркибига кирувчи давлатлар Украинага Совет давридан қолган эски жиҳозларни етказиб беришган, чунки улар қўшимча тайёргарликни талаб қилмайди. Бунинг эвазига улар Ғарбий Европада мавжуд бўлган энг замонавий ҳарбий техникани олди.
