Дунёдаги биринчи сузувчи шаҳар Малдив оролларида қурилмоқда

Дунёдаги биринчи сузувчи шаҳар Малдив оролларида қурилмоқда

Сузувчи шаҳардаги уйлар 2024 йилдан сотувга чиқиши режаланган

Ҳинд океани сувларида сузиб юрувчи шаҳар қурилмоқда. Малдив пойтахти Маледан қайиқда бор-йўғи 10 дақиқа масофада жойлашган сув ҳавзаларида 20 000 кишини сиғдира оладиган сузувчи шаҳар қурилмоқда.

Малдивликларнинг анъанавий денгизчилик маданиятидан илҳомланган лойиҳани ишлаб чиқиш 2009 йилда бошланган ва 2027 йилгача тўлиқ якунланиши кутилмоқда. У Голландиянинг Waterstudio архитектура фирмаси томонидан Малдив ҳукумати ва Голландиянинг Dutch Docklands кўчмас мулк ташкилоти билан ҳамкорликда ишлаб чиқиляпти.

Сузувчи шаҳарнинг қурилишига экологик сабаблар, яъни глобал исиш билан боғлиқ денгиз сатҳининг кўтарилиши ҳам сабаб бўлди. Малдив оролларининг 80 фоизи денгиз сатҳидан бир метрдан пастроқ баландликда жойлашган ва 2100 йилга келиб оролларнинг аксарияти яшаш учун яроқсиз ҳолга келиб, сув остида қолиб кетиши мумкин.

Дунёдаги биринчи сузувчи шаҳар Малдив оролларида қурилмоқдаШаҳарни лойиҳалаштирган муҳандислар кўплаб муаммоларни ҳал қилишлари, биринчи навбатда хавфсизликни таъминлашлари керак бўлади. Хавфсизлик бундай катта ўлчамдаги сузувчи тузилмани қуришда айниқса муҳимдир. "Ҳамма нарсани олдиндан ҳисобга олиш керак, жумладан, табиат таъсири, тўлқинлар, экстремал об-ҳаво ва денгиз сатҳининг 100 йилликдаги кўтарилиш прогнози кабилар", - дея маълумот беради шаҳар архитектурасини яратган Waterstudio фермаси.

Шаҳар бир кўринишда инсон миясини эслатиб юборадиган шаклда, бу тасодиф эмас. Лойиҳа мийясимон маржонларга ўхшатиб яратилган бўлиб, уйларга сунъий маржон қирғоқлари бириктирилади.

Дунёдаги биринчи сузувчи шаҳар Малдив оролларида қурилмоқда

“Малдив оролларидаги сузувчи шаҳар мелиорацияни талаб қилмайди, шунинг учун у маржон рифларига минимал таъсир кўрсатади. Бундан ташқари, унинг шарофати билан янги улкан рифлар ўсади, улар сув оқими сифатида ишлайди. Бизнинг иқлим ўзгаришига мослашишимиз табиатни бузмаслиги, балки у билан ҳамкорликда ишлаши керак”, - деб тушунтиради Малдив оролларининг собиқ президенти Муҳаммад Нашид.

Cузувчи шаҳарда асосий транспорт сифатида қайиқлар бўлади, шунинг учун бу ерда кўплаб каналлар қурилади. Аммо машиналар умуман бўлмайди - фақат велосипед, электр самокат ва скутерларгина бўлади.

Тез орада кўчмас мулк сотуви бошланади ва илк мижозлар 2024 йилда оролга кўчиб ўтишлари кутилмоқда. Ҳар бир уй 100 квадрат метр майдон, қайиқ учун тураргоҳ кўприги ва усти очиқ меҳмонхонага эга бўлади.

Мале дунёдаги одамлар энг зич жойлашган шаҳарлардан бири бўлиб, 200 000 дан ортиқ инсон 8 квадрат километр майдонга эга пойтахтда тиқилинчда яшайди. Қурилаётган сузувчи шаҳарда кўчмас мулк нархи студиялар учун 150 000 доллардан, оилавий яшовчилар учун эса 250 000 долларгача миқдорда нархл


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!