Чарчаганда қаҳва ичиш қандай касалликларга олиб келади? Шифокор жавоб берди

Россиялик шифокор Денис Прокофиев ҳар куни қаҳва ичиш хавфи ҳақида гапириб берди. 

Шифокор ичимликни дори билан таққослади. Унга кўра, кофеин энг кучли психостимулятор ҳисобланади. Бироқ, қаҳва чарчоқни кетказмайди, балки уни шунчаки "яширади".

"Чарчоқ кўпайганда, мия аденозин гормонини чиқаради. Бу асаб ҳужайраларининг фаолиятини тормозлаш орқали уйқучанликни келтириб чиқаради. Кофеин тузилиши жиҳатидан аденозинга жуда ўхшашдир. Қаҳва ичган одам ўзини тетик ҳис қила бошлайди, лекин танасидаги чарчоқ йўқолмайди. Натижада юрак сўнгги куч билан зўриқиб ишлай бошлайди. Натижада тахикардия, аритмия ва ҳатто юрак хуружи юзага келади", деди шифокор.

Мутахассиснинг фикрига кўра, оч қоринга қаҳва ичиш янада хавфли. Бу ошқозон ярасига олиб келиши мумкин. Бундан ташқари, нонушта билан бир чашка қаҳва витаминлар, темир, кальций ва рух моддаси сингишига халақит беради.

"Қаҳва ичганингиздан сўнг 15 г бодом истеъмол қилинг, бу кальций балансини керакли даражага қайтаради. Ҳар бир стакан қаҳвани бир хил миқдордаги сув билан ичинг", - деб маслаҳат берди Денис Прокофиев.

Эрталаб қаҳва ўрнига шифокор ўн дақиқа жисмоний фаолиятни тавсия қилди. Жисмоний машқлар кофеинга қараганда анча юқори энергия оқимини ҳосил қилади.