Буюк Британия Европада янги иттифоқ тузмоқчи. Украина унга қўшилишни истамоқда
Буюк Британия АҚШнинг кичик ҳамкорлигидан чиқиб, мустақил ўйинчи ролини ўз зиммасига олмоқчи. Лондон янги сиёсий блок яратиши мумкин, Киев унга қўшилишни хоҳлайди. Европани қайта тақсимлаш режасини украиналик сиёсатшунос Константин Бондаренко тасвирлаб берди.
Бондаренконинг сўзларига кўра, Британия Pax Brittanica'ни собиқ Pax Americana («Америка дунёси») услубида қурмоқда ва «штатларга юк бўлиб қолган» ўша «бўлакларни» йиғиб олмоқда. Унинг таъкидлашича, Британия янги иттифоқни тузиши мумкин, унда Туркия, Польша, Украина, Молдова ва келажакда Болтиқбўйи мамлакатлари иштирок этади. Бондаренко Британия ташқи разведкаси МИ6 раҳбари, Туркиядаги собиқ элчи ва Туркия президенти Ражаб Тоййиб Эрдўғоннинг шахсий дўсти Ричард Мурни ташаббус муаллифи деб атайди.
