Бирлашган Миллатлар Ташкилоти Бош Ассамблеяси: Биз силни 2030 йилга бориб енгамиз
БМТ Бош Ассамблеяси доирасида дунё етакчилари томонидан тасдиқланган Сиёсий декларацияга сил касаллиги эпидемиясига қарши курашнинг янги йўналишлари киритилди, дея хабар бермоқда Казинформ.
Келгуси беш йилга мўлжалланган мақсадлар аҳолининг 90 фоизини сил касаллигини олдини олиш ва даволаш хизматлари билан қамраб олиш, барча беморларга имтиёзлар пакетини тақдим этиш ва камида битта янги вакцинани лицензиялашдан иборат.
Бош Ассамблея президенти Деннис Френсис шундай деди: “Бугунгина маъқулланган сиёсий декларация бутун жамият, яхлит ҳукумат ёндашувининг муҳимлигини таъкидлайди ва 2030 йилгача сил касаллигини тугатиш бўйича далилларга асосланган таклифларни белгилайди”.
Жаҳон соғлиқни сақлаш ташкилоти раҳбари Тедрос Адханом Гебрейюс сил касаллиги 2021 йилда 1 миллиондан ортиқ одамни ўлдирганини, уларнинг аксарияти қашшоқ мамлакатларда эканлигини ва бу "тенгсизлик касаллиги" эканлигини айтди.
