Билармидингиз? Аёллари ҳукмронлик қиладиган халқлар
Саҳрои Кабир чўлида ўзининг махсус маданият ва урф-одатларига эга бўлган туарег халқлари яшайди. Кўп халқлар маданиятида аёллар юзларини тўсиб юрса, туарегларда эркаклар юзларини тулки териси билан ёпиб юради.
Улар берберлар гуруҳига кирувчи Африка ва араб мамлакатларида яшайдиган халқлардир. Туарегларнинг анъанавий кийими кўк рангда бўлганлиги сабабли, кўпинча, улар “кўклар” деб номланади, дея хабар берди “xabardor.uz”.
Матриархат
Туареглар Ислом динини қабул қилган. Бироқ аёллар юзларини беркитмайди. Эркаклар фақат битта хотин олишлари мумкин. Жамиятда аёллар алоҳида ҳурматга эга. Қизларга болалигидан ўқиш ва ёзишни ўргатишади, ўғил болалар ва эркаклар эса саводсизлигича қолдирилади. Эркакларнинг асосий вазифаси – жанг санъатини мукаммал ўрганишдир.
Эркаклар юзларини тўсиб юришади.
Туарег эркаклари юзларини яширадиган ягона халқдир. Ўғил болалар 18 ёшга тўлганда, унга тулки териси совға сифатида тақдим этилади. У узунлиги 40 метр бўлган шарф ёки матодан иборат. Иккинчи зарур совға эса – қиличдир. Йигитлар совғаларни олгандан кейин, жамиятдаги эркаклар сафига қўшиладилар.
Эркак киши бутун умри давомида тулки терисини кийиб юриши керак. Ҳатто, ухлаётганларида ҳам олиб ташлаш бутунлай тақиқланган. Фақат овқатланиш пайтидагина шарфни иягига туширишлари ва қонуний рафиқаси олдида юзларини очиб юришлари мумкин.
Тарихий ҳақиқат
Туареглар маданиятида туарегнинг юзини кўриш ўлимни англатади, деган ақида бор. Шунинг учун кўп гувоҳлар, ҳатто, ўлимни кутмаслик учун ўз жонига қасд қилишади. Бугунги кунда кўпчилик, туареглар билан Саҳрои Кабирда учрашиш ёмон белги, деб ҳисоблашади.
