"Барселона" Хавига янги шартнома таклиф қилади

"Барселона" бош мураббийи Хави Эрнандеснинг ишидан қониқиш ҳосил қилган ва мутахассисга янги меҳнат шартномасини таклиф қилишга тайёр. Diario Sport журналистлари хабарига кўра, "кўк-анорранглилар" устозига "Реал" билан бўлажак ўйиндан сўнг янги шартнома таклиф қилади.

Манбага кўра, Эрнандеснинг "Барселона" билан янги меҳнат шартномаси 2027 йилнинг ўрталарига қадар амал қилади. Томонлар ўртасидаги амалдаги шартнома 2024/2025 йилги мавсум охирида якунига етади. 43 ёшли мураббий "Барселона"ни 2021 йилнинг ноябридан буён бошқариб келмоқда.

Испания чемпионатининг 25-туридан кейин каталонияликлар Ла Лига турнир жадвалида “Реал”ни 9 очкога ортда қолиб, пешқадамлик қилмоқда.