"Барселона" футболчилари: "Россиялик мухлислар бу чемпионлигимизнинг бир қисмидир"

"Барселона" ҳимоячилари Алекс Бальде ва Серхи Роберто Ла Лигадаги ғалабадан сўнг россиялик мухлисларга мурожаат қилишди.

“Россиядаги барча “Барселона” мухлисларига катта салом! Яқинда кўришамиз!" - деди Бальде.

"Ҳурматли Россиядан келган мухлислар! Қўллаб-қувватлаганингиз ва энергиянгиз учун ташаккур! Сиз ҳам бу ғалабанинг бир қисмисиз! Умид қиламанки, биз биргаликда яна кўплаб совринларни қўлга киритамиз!" - деди Роберто.

Каталониялик футболчиларнинг видеомурожаати Ла Лига ўйинларини Россияда олиб борувчи "Окко" компаниясининг "Инстаграм"даги саҳифасида эълон қилинди.

Аввалроқ, "Наполи" устози Лучано Спалетти "Зенит"ни Россия чемпионатидаги ғалабаси билан табриклаганди.