Австралия – Ўзбекистон: статистика ва фактлар нима дейди?

Австралия – Ўзбекистон: статистика ва фактлар нима дейди?

21 январь куни нимчорак финал босқичидан ўрин олган Австралия Ўзбекистон баҳси ўтказилади. Учрашувдан олдин қизиқарли маълумотларни тақдим этамиз.

Яшил қитъа вакиллари анча ҳавфли рақиб ҳисобланади. Мусобақанинг амалдаги чемпиони. Табиийки, бу биз учун ўйиндан аввал яхшигина қўрқув ва ҳавотир уйғотарди. Қолаверса, Осиё Кубогидаги ягона тўқнашувимизда кенгрулар Ўзбекистон дарвозасига жавобсиз 6 та гол уришганди. Қатардаги қитъа биринчилигини ҳалигача эслаймиз. Чунки бизнинг ёрқин ўйинимиз айнан Қатардаги чемпионатга тўғри келади. Ўшанда Австралия билан учрашувдан олдин яхши кайфиятда эдик. Аммо якунда улар бизни аёвсиз жазолашганди.

Ҳозир ҳам вазият шундай. Гарчи Япониядан мағлубиятга учраган бўлсак-да, бу пинагимизни ҳам бузмади.

Умуман олганда, Австралия ва Ўзбекистон бунга қадар 3 марта ўзаро рўбарў келган. Дастлабки тўқнашув 2008 йил Тошкентда бўлган. ЖЧ-2010 саралаши доирасида соккеруз лар Пахтакор стадионида 1:0 ҳисобида ғалаба қозониб кетишган.

2009 йил 1 апрель куни Сиднейда ўтган баҳсда Австралия жавобсиз 2 та гол урган. Бу жамоалар ўртасидаги ҳозиргача сўнгги баҳс 2011 йил Қатарда кузатилган.

Демак, Ўзбекистон бу жамоага қарши 3 та ўйиннинг барчасида ютқазган ва умуман гол ура олмаган. Тўплар фарқи 9-0. Бугун рақиб дарвозасига ким тўп киритса, Австралияга гол урган биринчи ўзбекистонлик футболчи сифатида тарихга киради.

Австралия терма жамоаси 2006 йилдан Осиё футбол конфедерациясига қўшилган. 2011 йилги қитъа биринчилигида 3-ўринни эгаллаган. 2015 йилги Осиё Кубогида чемпионликка эришган.

Ўзбекистоннинг энг яхши натижқаси эса ярим финалдир!

Ўзбекистон ва Австралия терма жамоаларининг ўзаро учрашувлари

ЖЧ-2010 саралаш. 2008 й. 10 сентябрь

Ўзбекистон Австралия 0:1

Гол: Чипперфилд 26

ЖЧ-2010 саралаш. 2009 й. 1 апрель

Австралия Ўзбекистон 2:0

Голлар: Кенеди 66, Кьюэлл пенальти 72

Осиё Кубоги-2011. 25 январь

Ўзбекистон Австралия 0:6

Голлар: Кьюэлл 5, Огненовский 34, Кэрни 65, Эмертон 74, Валери 82, Крус 83


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!