АҚШдаги шифохоналарнинг бирида машҳур рассомларнинг асарлари яширилган омбор топилди

АҚШдаги шифохоналарнинг бирида машҳур рассомларнинг асарлари яширилган омбор топилди

Нью-Йорк штатининг Саутгемптон касалхонаси ходимлари таниқли рассомларнинг абстракт экспрессионизм услубида яратган асарлари сақланадиган омборни топди.

New York Post  хабарига кўра, тиббиёт муассасаси ходимлари ўпкани сунъий шамоллатиш аппаратларини қўйиш учун жой қидираётганида тасодифан расмларни топишган. Омборда Виллем де Кунинг, Александр Колдер, Роберт Дэш ва бошқа машҳур рассомларнинг литография, расм ва ёғочдан ясалган ҳайкаллари бор эди.

Мутахассисларнинг фикрича, 1950-1980 йилларда яратилган ушбу асарларнинг барчаси рассомларнинг касалхонадаги шифокорларга берган совғаси эди, чунки ўша пайтда у ҳудуддаги ягона тиббиёт муассасаси бўлган.

Топилган барча ишлар "Kaminski" ким ошди савдосида сотилади. Уларнинг бошланғич нархи юз минг долларни ташкил этди, аммо мутахассисларнинг фикрига кўра, бу миллионга етиши ҳам мумкин. Ким ошди савдосидан тушган маблағ касалхонага ва Саутгемптон тарихий музейига топширилади.

Аввалроқ, АҚШда дўкон хизматчиси Сальвадор Дали чизган суратни топганди. Мутахассислар Дантенинг "Илоҳий комедия" асари учун акварелда чизилган бир қатор расмлар Далига тегишлилигини аниқлаган эди. Асар 1200 долларга сотилган ва ундан тушган маблағ хайрия ишларига сарфланган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади ва телефон ракамни тасдиклаш керак булади!