АҚШда ўқитувчи ҳибсга олинди. У ўсмирни ота-онасининг рухсатисиз эмлаган
Нью-Йоркда ўқитувчи ота-онасининг розилигисиз ўсмирга COVID-19 вакцинасини қўллагани учун ҳибсга олинди, деб хабар бермоқда USA Today.
Лаура Паркер Руссо исмли ўқитувчи ўз уйида 17 ёшли ўсмир йигитни вакцина билан эмлаган ва ўсмир зудлик билан бу ҳақда онасига хабар берган. Йигитнинг онаси ўғлига эмланишига рухсат бермаганлигига қарамай унга вакцина қўлланилгани учун полиция чақирган.
Полиция ҳолат юзасидан тергов ишларини бошлаб юборган. 54 ёшли Паркер Руссо тиббий маълумотга эга эмаслиги ва вакцина қўллашга ваколатга эга бўлмай туриб ўсмирни эмлагани учун ҳибсга олинган. Ўқитувчи ўсмирга қўллаган вакцинани қаердан олгани ҳозирча номаълум эканлиги таъкидланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
