Кеча АҚШ Давлат котиби Марко Рубио CВС телеканалига берган интервьюсида Россия – Украина зиддиятини ҳал қилиш бўйича тузилган А ва Б режаларни баён қилди.
– А режаси – ўт очишни тўхтатиш, – деди у. – Шундан кейин иккинчи босқич – Б режасига ўтилади. Яъни, барчани музокара даврасида тўплаш керак.
Шунингдек, жанг давом этса, кейинги режага ўтиш қийин кечиши таъкидланди.
Куни кеча Президентнинг махсус вакили Стив Уиткофф Путин ва Трамп шу ҳафта қўнғироқлашиши мумкинлигини маълум қилди. Унинг ишонтиришича, Оқ уй раҳбари Украина инқирози бир неча ҳафта ичида ҳал этилишини кутяпти.
Пайшанба куни кечқурун Россия раҳбари Москвада Оқ уй махсус вакилини қабул қилди. Кремль матбуот котиби Дмитрий Песков Уиткофф Украина бўйича қўшимча маълумот бергани, Путин ҳам Трампга тегишли маълумот ва қўшимча сигнал етказганига аниқлик киритди.
Ўз навбатида Дональд Трамп дам олиш кунлари кўп иш қилинганини таъкидлаб, урушга барҳам бериш учун “жуда яхши имконият” борлигини айтди.
– Биз бир саволга жавоб топишни истаймиз: Бу урушни тугата оламизми ёки йўқ? – деган Трамп журналистларга. – Балки уддалай олмасмиз, эҳтимол қила олармиз. Менимча, бизда жуда яхши имконият бор.
Оқ уй раҳбари россиялик ҳамкасби билан сешанба кунга режалаштирилган мулоқотида ҳудудлар ва атом электр станциялари устидан назорат масаласини ҳам муҳокама қилмоқчи, деб ёзди “Reuters” агентлиги.
Агар Россия ўт очишни тўхтатишга розилик беришдан бош тортса, АҚШ РФга қарши турли чоралар кўриши мумкинлигидан огоҳлантирмоқда. Масалан, Миллий хавфсизлик бўйича маслаҳатчи Майк Уолтц “Fox News” телеканалига мухбирига “Албатта, барча йўллар кўриб чиқилмоқда”, деган.
Пайшанба куни АҚШнинг яна бир юқори мартабали вакили – молия вазири Скотт Бесцент CNBC телеканалига интервью бераркан, АҚШ Россияга нисбатан санкция босимини энг юқори нуқтага чиқаришдан тоймаслигини таъкидлаган. Унинг айтишича, Президент Дональд Трамп келишув музокарасида муваффақиятга эришиш учун ҳар икки томонга “имкон даражасида босим ўтказиш” ниятида.
Экспертлар фикрича, Америка маъмурияти томонидан Украинада тинчлик ўрнатиш йўлида амалга оширилаётган саъй-ҳаракатнинг дастлабки натижаси шу ҳафта анча ойдинлашади. Воқеалар ривожи шунга ишора қилмоқда.
Мутахассиснинг таъкидлашича, сўнгги пайтларда ўзбекистонликлар учун Россия бозорининг жозибадорлиги пасайган, чунки уларнинг ўз ватанида иқтисодиёт ва қурилиш соҳаси жадал ривожланмоқда.
АҚШ Адлия вазирлиги компаниялар нархларни ошириш мақсадида тухум етказиб беришни сунъий равишда чеклаб қўйган ёки йўқлигини аниқлаш учун текширув бошлади, деб хабар берди Gefluegelnews 14 март куни.
Украина Президенти Курск операцияси туфайли Покровск ва Харков йўналишларидаги вазият барқарорлашганини, Россия учун эса Покровскка яна таҳдид солиш имкониятини топиш "жуда қийин бўлишини" таъкидлади.
Россия президенти Владимир Путин Украина билан тинчлик келишуви ғояси "тўғри" эканлигини, аммо "муҳокама қилиниши лозим бўлган масалалар, шу жумладан АҚШ билан ҳам" мавжудлигини таъкидлади.
Шунингдек, омборда кирим ҳужжатларига эга бўлмаган, қиймати 1 млрд. 187 млн. сўмлик, маҳаллий ва хориждан келтирилган 25.746 дона турли хил спиртли ичимликлар мавжудлиги ҳам аниқланди.