АҚШ ҳарбий-ҳаво кучларининг учувчисиз самолёти Польшага фавқулодда қўнишни амалга оширди

АҚШ ҳарбий-ҳаво кучларига қарашли MQ-9 Reaper учувчисиз учоқи Польшанинг шимоли-ғарбий қисмида Мирославец яқинида фавқулодда қўнишни амалга оширди.

Бу ҳақда Польша қуролли кучлари бош қўмондонлиги маълум қилди.

“Қўниш тартиб-қоидаларга мувофиқ, ўраб олинган, аҳоли яшамайдиган ҳудудда амалга оширилди”, — дея хабар беради “РИА Новости”.

Қайд этилишича, учувчисиз учоқ қўнган жой тегишли хизматлар томонидан ўраб олинган, ҳарбий жандармерия томонидан суриштирув ишлари олиб борилмоқда.