Apple компанияси OpenAI билан ChatGPT-ни ўз қурилмаларида жорий этиш бўйича шартнома тузди
Bloomberg манбаларига кўра, томонлар ChatGPT-дан кейинги iOS 18 операцион тизимида фойдаланиш бўйича келишув тафсилотларини якунлашмоқда. Шунингдек, Google билан Gemini чатботини лицензиялаш бўйича музокаралар давом этмоқда - ҳозирча натижа йўқ.
Apple июнь ойида Бутунжаҳон дастурчилар конференциясида янги сунъий интеллект функциясини намойиш қилиши кутилмоқда. Бироқ, корпорация яқин вақт ичида OpenAI билан келишув ҳақида эълон қиладими ёки йўқми, номаълум. Уч компания вакиллари изоҳ беришдан бош тортдилар.
Май ойи бошида корпорация сунъий интеллектдан фойдаланишга йўналтирилган iPadнинг янги авлодини тақдим этган эди. Бироқ компания янги қурилманинг ўзига хос функцияларини ошкор қилмади.
Bloomberg шу йилнинг март ойида Apple компанияси iPhone'га АИ механизмини интеграция қилиш бўйича музокаралар олиб бораётгани ҳақида ёзган эди. Потенциал ҳамкор компаниялар орасида OpenAI , Google ва Anthropic стартаплари бор эди.
