Америкалик олимлар глобал интернет узилиши мумкинлигини маълум қилди

Маълум қилинишича, кучли қуёш бўрони оҳирги марта 1859 ва 1921 йилда содир бўлган. Мутахассислар бу каби ҳодиса тахминан бир асрда юз беришини айтган. Калифорния университети тадқиқотида Ернинг магнит майдони инсониятни зарядланган заррачалардан ташкил топган қуёш шамолидан ҳимоя қилиши айтилган. Аммо ҳар 80–100 йилда бир марта бу шамол қуёш бўронига айланиши ва глобал интернетнинг узилишига олиб келиши мумкинлиги қайд этилган. Шунингдек, бу бир неча ой давом этиши мумкинлиги таъкидланган.

Тадқиқотчи Сангеэта Абду Жёти мавжуд интернет инфратузилмасининг экстремал космик об-ҳавога чидамлилигини баҳолаган. У глобал интернет инфратузилмаси асосланган узоқ масофали, оптик толали линия ва сувости кабеллари қуёш бўрони томонидан Ер қобиғида пайдо бўладиган оқимларга нисбатан заиф эканини маълум қилинган. Шунингдек, қуёш бўрони оқими электр узатиш линияси каби узун ўтказгичга кириб, уларга зарар етказиши мумкинлиги қайд этилган.

«Ҳозирги узоқ масофали интернет кабеллари оптик толалар геомагнит индукцияли оқимлардан ҳимояланган. Аммо бу кабелларда 100 километр оралиқда электр қуввати билан таъминланган такрорлагичлар ҳам мавжуд, улар зарарланиши мумкин», — дейди Жёти.

Ҳозирги қуёш цикли тарихдаги энг кучлиларидан бири бўлиши мумкин. 2019 йилда қуёш доғларининг сони 116 тани ташкил қилган. Ҳозирги кунда бу кўрсаткич 210 дан 260 тагача етиши мумкинлиги айтилмоқда.