Актёр Матёқуб Матчонов қамоққа олинганда хаёлига келган 3 нарса ҳақида гапирди

Унинг сўзларига кўра, суд ҳам хўжакўрсинга, фақатгина санксия бериш учун бўлган. Актёрнинг таъкидлашича, қамоққа олиб кирилгандан кейин хаёлига 3 нарса келган.

«Судга боришди. Суд ҳам хўжакўрсинга, яъни санксия бериш учун экан. Бир ўзимни бир камерага олиб кириб қўйишганда хаёлимга келган нарса учта бўлди. Биринчиси, нима учун, нима гуноҳ қилдим? Иккинчиси, уйимдаги ака-укам, болларимнинг аҳволи нима бўлди. Учинчиси бўлса, узоғи билан бир ҳафта ётсам керак», — дейди «Дўстлик» ордени соҳиби.