8 мартга қадар ҳар бир аёлга 2 доллардан пул берилади — Президент

8 мартга қадар Туркманистонда Президент Гурбангули Бердимуҳамедовнинг буйруғига биноан ҳар бир аёлга 2 доллардан берилади.

Бердимуҳаммедов ўз номидан 8 март - Халқаро хотин-қизлар куни муносабати билан Туркманистон аёлларига 60 манат (давлат курси бўйича 17,1 доллар ёки қора бозор курси бўйича 1,9 доллар) беришни буюрди. Бу ҳақда ТДҲ давлат ахборот агентлиги хабар берди.

Пул совғаларини мулкчилик шаклидан қатъий назар муассаса ва ташкилотларда ишлайдиган, пенсия, нафақа ва стипендия оладиган аёллар ҳамда мактаб ўқувчилари ва болалар боғчаси тарбияланувчилари олади. Уй бекалари ва якка тартибдаги тадбиркорларга бу пул берилмайди.

Ўтган йили Туркманистон аёлларига 60 манатдан берилганди, ўшанда бу миқдор 3 долларга тенг эди.