61-Халқаро гуллар фестивали: Наманган Бишкекка 500 минг дона гул совға қилди (ФОТОГАЛЕРЕЯ)
Наманганда бўлиб ўтган Халқаро гуллар фестивали доирасида Бишкек шаҳрига 500 минг дона гул совға қилинди, деб хабар беради Бишкек мерияси.
Уларнинг сўзларига кўра, совға Бишкек мери Эмильбек Aбдиқодировнинг ташрифи чоғида қилинган.
“Гулларни 100 нафар боғбон экади, улар ҳам Қирғизистон пойтахтига етиб боради”, — дейилади хабарда.
Қайд этилишича, Бишкек шаҳри ва Наманган шаҳарлари ўртасидаги ташриф доирасида ободонлаштириш ва кўкаламзорлаштириш соҳасида ҳамкорлик тўғрисида шартнома имзоланган.
Ҳужжат доирасида томонлар шаҳар ва ишбилармонлик делегацияларининг ўзаро алмашинувига кўмаклашиш, ободонлаштириш ва кўкаламзорлаштириш соҳасида мунтазам ахборот ва тажриба алмашишга кўмаклашиш учун барча имкониятларни ишга солади.
Наманганда гул байрами 1961 йилдан буён ўтказиб келинмоқда. Бу йил меҳмонлар кўз ўнгида 60 мингдан ортиқ гул турлари пайдо бўлди. Фестивалга тайёргарлик доирасида жами 300 турдаги 16 миллион дона гул экилди.
