2025 йилда АҚШ бюджети тақчиллиги 1,9 триллион долларни ташкил қилади

2025-молия йилида АҚШ федерал бюджети тақчиллиги 1,9 триллион долларни ташкил этади ва бу кўрсаткич кейинги ўн йил ичида ортади.
Бундай маълумотлар АҚШ Конгрессининг Бюджет бюроси ҳисоботида келтирилган. Қонун чиқарувчи органдаги ушбу федерал агентлик уни иқтисодий маълумотлар, баҳолашлар ва прогнозлар билан таъминлайди.
Ҳужжатда айтилишича, "2025-молия йилида федерал бюджет тақчиллиги 1,9 триллион долларни ташкил этади", 2035 йилга бориб эса 2,7 триллион долларгача ошади.
"2025 йилда у ялпи ички маҳсулотнинг 6,2 фоизини ташкил қилади, 2027 йилга келиб эса 5,2 фоизгача камаяди, чунки даромадлар харажатлардан тезроқ ўсади. Кейинги йилларда харажатлар ўртача даромаддан тезроқ ўсади", деб таъкидлади департамент . Унинг ҳисоб-китобларига кўра, "2035 йилда тузатилган дефицит ЯИМнинг 6,1 фоизини ташкил қилади".
Тақдим этилган маълумотларга кўра, АҚШ давлат қарзи 2035 йилда ЯИМнинг 118 фоизигача ошади ва ўсишда давом этади. Ушбу тенденциянинг сабаблари орасида "мажбурий харажатлар ва фоиз тўловларининг ўсиши даромадлар ўсишидан ошиб кетиши" бўлади. Мамлакатнинг давлат қарзи биринчи марта 2024 йил ноябрида 36 триллион доллардан ошди.
Департаментнинг аниқлик киритишича, "солиқлар ва харажатларга оид қонунлар деярли ўзгармаса" ҳисоб-китоблар тўғри бўлади.