2024 йилда квота ОТМга тақсимланмайди. Бу нима дегани?
Энди давлат грантини ОТМлар кесимида тақсимлаш амалиёти бекор қилиниб, бакалавриат таълим йўналишлари ва магистратура мутахассисликлари бўйича кундузги таълим шаклида тасдиқлаш тартиби жорий этилади.
❓Бу нима дегани?
Х.Худойбердиевнинг тушунтиришича, энди давлат грантлари фалон университет учун берилмайди, балки йўналиш учун ажратилади. Масалан, Тошкент давлат юридик университети учун аниқ грант ўрни бўлмайди, балки юриспруденция йўналиши учун умумий грант квотаси ажратилади.
Бунда республикадаги барча ОТМлардаги юриспруденция йўналишига топширган абитуриентлар орасида квота доирасида энг юқори балл тўплаганлари, қайси ОТМга топширганидан қатъи назар, грантга киради. Бу дегани энди айрим ОТМларда грантга кирган биронта талаба бўлмаслиги мумкин.
Режага кўра, давлат грантининг барча квотасини битта ОТМ олиб қўйишининг олдини олиш мақсадида ОТМ учун 50% лик чеклов қўйилади.
