2023 йилда ташкил топган клуб Туркманистон чемпионатида ғалаба қозонди

Жорий йилнинг баҳорида ташкил топган клуб Турманистон чемпионатида ғалаба қозонди.

“Аркадағ” турнир тугашига 4 тур қолган муддатидан олдин чемпионликни расмийлаштирди. Жамоа 20 та ўйиннинг барчасида ғалаба қозониб, 60 очко жамғарди. 70 марта рақиблар дарвозасини ишғол қилган бўлса, 14 бора ўз дарвозасидан тўп олиб чиққан. Иккинчи ўриндаги “Алтин Асир” жамоасида 44 очко мавжуд.

“Аркадағ” — Туркманистоннинг собиқ президенти, ҳозирда Туркманистон Халқ Маслаҳати раиси Гурбангули Бердимуҳамедов номи билан аталган шаҳарнинг клуби ҳисобланади.

BBC нашрининг хабарига кўра, клубнинг либоси ва логотипи дизайни бўйича шахсан Бердимуҳамедовнинг ўзи шуғулланган. Мавсум аввалида жамоа лиганинг энг кучли футболчилари билан шартнома имзолаган эди.