Зеленский русларга рус тилида мурожаат қилди

"У болаларини урушга юбормаяптику. Фарзандларингиз ўлимга юборилмаслиги учун жанг қилинглар". Владимир Зеленский русларга яна рус тилида мурожаат қилди ва Доғистондаги намойишларга фикр билдирди

"Биз одамлар, хусусан Доғистонда ўз ҳаётлари учун кураша бошлаганини кўряпмиз. Улар бу масала ҳаёт, уларнинг ҳаёти масаласи эканини тушуна бошлаганини кўраяпмиз. Нега уларнинг эрлари, укалари, ўғиллари бу урушда ҳалок бўлиши керак? Бир киши хоҳлаган урушда. Халқимизга, юртимизга қарши урушда. У (Путин) болаларини урушга юбормаяптику. Сиз ҳам фарзандларингизни ўлимга юбормаслик учун курашинг.

Чунки фарзандларимизнинг жонини олишга келсангиз, мен сизга ота сифатида айтаман: биз сизни тирик қўймаймиз".