Ёнғин-қутқарув спорти бўйича жаҳон чемпионатида Ўзбекистон III ўринни эгаллади

Самарқандда бўлиб ўтган XVII жаҳон чемпионатида Беларусь ғолибликни қўлга киритди. Иккинчи ўринни Россия эгаллади.

Чемпионатда 30 га яқин давлатдан келган 200 нафардан ортиқ спортчи иштирок этди. Улар 2 та “NEXIA 3” автомобили ва 60 та медаллар тўплами учун курашди.

Мусобақалар қуйидагича ташкил этилди:

▪️ишғол қилиш нарвонида иккинчи ва тўртинчи қаватга кўтарилиш,
▪️100 метрга тўсиқлар оша югуриш,
▪️ёнғин ўчириш эстафетаси,
▪️жанговар ёйилиш йўналишлари.

Навбатдаги чемпионат 2023 йилда Туркияда ташкил этилади.