Yandex Go хизмати ҳайдовчиларини хавфли ҳайдаш ҳақида огоҳлантиради
Yandex Go Ўзбекистонда буюртмалар пайтида ҳайдаш услубини кузатиш тизимини ишга туширди. У ҳайдовчиларни хавфли манёврлар ва юзага келиши мумкин бўлган бахтсиз ҳодисалардан огоҳлантиради. Бу хизматнинг шахсий ихтироси.
Ҳайдовчи иловаси акселерометр кўрсаткичларини кузатиб боради – бу маълумотлар илова ўрнатилган смартфон ёки планшетдан йиғилади. Акселерометр - бу объектнинг тезланишини ўлчашга ёрдам берадиган сенсор. Тизим барча тез манёврларни аниқлайди: кескин старт ва тормозлаш, йўлнинг кескин ўзгариши.
Агар хавфли манёврлар мунтазам равишда қайд этилса, бу хизмат кўрсатиш стандартларини бузиш ҳисобланади. Бундай ҳайдовчи ҳайдаш услуби билан боғлиқ муаммо ҳақида хабар олади. Мунтазам қоидабузарликларда, алгоритм ҳайдовчининг хизмат кўрсатиш буюртмаларига киришини вақтинча чеклаши мумкин.
Тизим агрессив ҳайдаш услубини кундалик вазиятлардан ажрата олади. Мисол учун, агар ҳайдовчи қўлида ўрнатилган иловаси бўлган қурилмани олса, бу ҳаракат тизим томонидан йўл ҳаракати қоидаларини бузиш сифатида баҳоланади.
2022 йил октябрь ойида бўлиб ўтган ICТ ҳафталигида Yandex Go хавфсизликка сармоя киритиш хизматнинг устувор йўналишларидан бири эканлигини таъкидлади. Илгари компания Ўзбекистонда ўзига хос хавфсизликнинг яна бир технологиясини – автомашиналарнинг хизмат буюртмаларини бажариш тезлигини назорат қилишни йўлга қўйган эди. Келгусида ҳайдовчилар ва йўловчиларни қўшимча бепул суғурта қилиш тизими ҳам режалаштирилган.
