Хитойнинг электромобил ишлаб чиқрувчи гиганти BYD Туркияда завод очади
![Хитойнинг электромобил ишлаб чиқрувчи гиганти BYD Туркияда завод очади Хитойнинг электромобил ишлаб чиқрувчи гиганти BYD Туркияда завод очади](/photos/news/aHWorK3zppUGS0d.jpeg)
Туркия саноат ва технологиялар вазири Меҳмет Фотиҳ Кажи рва Хитойнинг BYD компанияси раиси Чуанфу Ванг Дўлмабоғча ишчи офисида Ражаб Тоййиб Эрдўған шафелиги остида инвестицион келишув имзолашди.
Кутилишича, келишув доирасида жаҳоннинг энг йирик электромобил ишлаб чиқарувчиси 1 млрд доллар эвазига Туркияда йилига 150 минг дона электромобил ва ҳибрид машинаси ишлаб чиқарувчи завол қуради.
Объектда 5 минггача бўлган кши бевосита иш билан таъминланиши режалаштирилмоқда.
Завол 2026 йилда мамлакатнинг ғарбида жойлашган Маниса вилоятида ишга туширилади. Бундан ташқари, барқарор мобиллик технологиялари бўйича илмий тадқиқот марказини ҳам барпо этиш режалаштирилмоқда.
Эслатиб ўтамиз: Туркия ҳукумати июн ойида Хитойда ишлаб чиқарилган ички ёнув двигателли ва ҳибрид автомобилларга 40 фоизлик божхона божлари жорий этилганини эълон қилган эди. Қонунга кўра, бундай божлар фақат Хитойда ишлаб чиқарилган автомобилларгагина жорий этилади.
Шу сабабли Хитойнинг Chery компанияси ҳам Туркияда завод очишга қарор қилган. Хитой авто ишлаб чиқарувчилари шу йўл билан экспорт божларидан қочишга уринишмоқда.